Helena Villar Janeiro

PALABRA ESTRAÑA

Entre os vocablos que a poeta usa para fabricar soños
non aparece GUERRA
pero a poeta ten que procurala
e maldicir con ela o diálogo absurdo de balas e misís,
a infamia e as mentiras,
a manipulación dos poderosos
na vida dos humildes.

Coa pluma triste abáixase a buscala
na esterqueira da bosta das palabras
ou no fedor da terra salferida
por un sangue aínda tépedo.

¡Cómo envexa a poeta
a mirada inocente da súa infancia
que a descubriu inerte nas regras ortográficas
para exemplarizar “us”mitigantes
que chegan a quedar entre o silencio
se non topan coa diérese!

Helena Villar Janeiro

voltar