A Guerra Civil española na narrativa infantil e xuvenil

Red Temática de Investigación (LIJMI)
Mesías Lema, José María (Ilustrador)

Ed: Xerais. Fundación Caixa Galicia.
Páxinas:400; DIDÁCTICA E OUTROS MATERIAIS EDUCATIVOS>MATERIAIS
Formato: 17,00 x 24,00; Encadernación: Rústica cosido a fío

Co titulo do libro , realizouse un curso organizado pola Universidade de Santiago de Compostela co patrocinio do banco Caixa Galicia, e del saíu este gran libro.
Coa finalidade de afondar nunha temática, as literaturas infantís e xuvenís dos ámbitos lingüísticos ibéricos, xeralmente excluída dos planos de estudo das licenciaturas e diplomaturas e, sen embargo, dunha transcendencia fundamental en ámbitos básicos como a formación lectora e a expresión escrita no mundo das novas tecnoloxías da información e da comunicación.
Analizouse o impacto e a presenza da Guerra Civil nas manifestacións culturais e artísticas das últimas décadas e a abundante bibliografía crítica xerada arredor do tema, inclúense enfoques panorámicos que abordan o tratamento do tema nas literaturas castelá, catalá, galega, portuguesa, vasca, co engadido de dúas achegas que estudan a presenza da contenda española na produción en lingua alemá e inglesa.
Tamén se presentou unha selección de obras narrativas nas que se trata a Guerra Civil española, dezasete das cales son obxecto dun comentario pormenorizado, co fin de facilitarlles aos mediadores e mediadoras algunhas claves de aproximación para o seu uso na educación literaria.
Os participantes desta publicación e curso representan a todos os axentes que fan posible a comunicación literaria: investigadores de todo o marco ibérico, é dicir, casteláns, cataláns, vascos, portugueses e galegos; editores, escritores, libreiros, bibliotecarios e profesores. (fonte www.xornal.com e www.usc.es)
Directores do curso: Blanca Ana Roig Rechou
Pedro Lucas Domínguez
O programa do curso foi:
1. Actualización da LIX Castelá.-. 2. A Guerra Civil Española na LIX Castelá.-. 3. Actualización da LIX Catalá.-. 4. A Guerra Civil Española na LIX Catalá.-. 5. Actualización da LIX Portuguesa.-. 6. A Guerra Civil Española na LIX Portuguesa.-. 7. Actualización da LIX Vasca.-. 8. A Guerra Civil Española na LIX Vasca.-. 9. Actualización da LIX Galega.-. 10. A Guerra Civil Española na LIX Galega.-. 11. Actualización da LIX noutros ámbitos lingüísticos. A Guerra Civil Española na LIX noutros ámbitos lingüísticos.
 a menú