Anos de odio. Golpe, represión e guerra civil na provincia da Coruña (1936-1939)

Fernández, Eliseo; Rey, Eduardo; Souto, María Jesús e Grandío, Emilio (coordinador).

Ed: Deputación provincial da Coruña.
351 páx.
Encuadernación: Rústica

Un total de 2.295 persoas foron procesadas na provincia da Coruña durante a Guerra Civil. Desta cifra, o 63% fórono polo delito de rebelión militar, e 323 foron condenadas á pena capital, segundo os datos extraídos da publicación.
O libro é o resultado de case tres anos de investigación realizada por un equipo de historiadores da USC, dirixidos por Emilio Grandío. O arquivo do Tribunal Militar Territorial IV, con sede en Ferrol, constitúe a base documental da publicación. A tenor do reflectido no estudo, do total de persoas procesadas o 4,5 por cento eran mulleres, e a extracción social dos procesados era a clase traballadora, preferentemente agricultores, mariñeiros, mariñeiros e xornaleiros, pola orde referida. Todos eles militantes de formacións políticas ou sindicais de esquerdas, segundo a consideración realizada polo historiador Emilio Grandío.
Este significou tamén, ao redor do 55% dos procesados eran de ideoloxía socialista, preferentemente do Partido Socialista e de Esquerda Republicana. A represión centrouse tamén nos militantes da CNT e de UXT.
A idade dos procesados oscilaba preferentemente entre os 20 e 40 anos, e constan tamén nos rexistros analizados polos historiadores composteláns un total de 28 causas que teñen, segundo Emilio Grandío, a denominación de homicidios, o que revela a condición de 'persoas paseadas'. Así mesmo, o 33 por cento dos procesos concluíu en absolución, mentres que o 40 % das causas foron sobresidas.
O estudo reflexa, en opinión de Emilio Grandío, a dureza da represión tralo golpe militar, rexistrándose distintas intensidades en función dos espazos temporais, sendo máis forte tralo inicio do conflito e ata os primeiros meses do ano 37, segundo os datos reflectidos no estudo. Este, que se editou conxuntamente cun CD, con documentos sobre os procesamentos e fotografías dos perseguidos, constitúe a verdadeira historia do que aconteceu naqueles anos.
 a menú